1 ա Նինուէի պատգամը։ Ելկեսացի Նաումի տեսիլքի գիրքը։
2 բ Նախանձոտ եւ գ վրէժխնդիր Աստուած է Տէրը, վրէժխնդիր է Տէրը եւ բարկութեան տէր, վրէժ առնող է Տէրը իր ոսոխներից, եւ բարկութիւն պահող իր թշնամիների դէմ։ 3 Տէրը դ երկայնամիտ է եւ ե մեծազօր, եւ երբէք չի արդարացնիլ յանցաւորին. զ Տիրոջ ճանապարհը մրրկի եւ փոթորկի մէջ է. Եւ ամպերը նորա ոտների փոշին են։ 4 Նա է սաստում է ծովին եւ նորան ցամաքեցնում, եւ բոլոր գետերը չորացնում. Թառամում են ը Բասանն ու Կարմեղոսը, եւ Լիբանանի ծաղիկը թառամում է։ 5 թ Սարերը դողում են նորանից եւ ժ բլուրները հալվում են, ի երկիրը բարձրանում է նորա առաջին, նաեւ աշխարհը եւ բոլոր նորանում բնակողները։ 6 Նորա ցասման առաջին ո՞վ կ’կանգնէ, եւ լ ո՞վ կ’դիմանայ նորա բարկութիւնը բորբոքելիս, խ նորա սրտմտութիւնը թափվում է կրակի պէս, եւ ապառաժները ճաքում են նորա առաջին։
7 ծ Բարի է Տէրը, ամրոց է նեղութեան օրումը. Եւ նա կ ճանաչում է իրան ապաւինողներին։ 8 հ Յորդահոս հեղեղով պիտի վերջ տայ նորա տեղին, եւ նորա թշնամիներին պիտի հալածէ խաւարը։ 9 ձ Ի՞նչ էք մտածում Տիրոջ դէմ. ղ վերջ տուողը նա է. Նեղութիւնը երկու անգամ վեր չի կենալ։ 10 Որովհետեւ մինչեւ որ նորանք ճ փուշերի պէս խճճուած են, եւ մ իբր իրանց գինիովը արբածներ, յ պիտի սպառուին բոլորովին չոր յարդի պէս։ 11 ն Քեզանից դուրս եկաւ Տիրոջ դէմ չարութիւն մտածող՝ անօրէն խորհրդականը։ 12 Այսպէս է ասում Տէրը. Թէեւ անդորր են ու այսքան բազմաթիւ, բայց եւ այնպէս շ պէտք է կտրուին, եւ նա պիտի անցնի. Թէեւ ես քեզ նեղել եմ, այլ եւս չեմ նեղիլ։ 13 Եւ հիմա ո պիտի նորա լուծը կոտրեմ քո վերայից, եւ կապերդ պիտի կտրեմ։ 14 Եւ Տէրը հրամայել է քո մասին. Այլ եւս սերունդ պիտի չ’լինի քո անունիցը, քո աստուածների տանիցը պիտի բնաջինջ անեմ քանդակածն ու ձուլածոյ կուռքն. չ քո գերեզմանը պիտի շինեմ, որովհետեւ դու անարգ եղար։ 15 Ահա պ սարերի վերայ աւետիք բերողի ոտները, որ խաղաղութիւն է քարոզում. Տօնիր, ով Յուդա, քո տօները, կատարիր ուխտերդ. Որ այլ եւս ջ անօրեն պիտի չ’անցնէ քո միջովը, բոլորը բնաջինջ եղաւ։
Նաում 1